Theme images by kelvinjay. Powered by Blogger.

Slider

Recent Video

Recent News

Politics News

Foreign

Entertainment

Business News

Technology

කුරුණෑගල පාසල් යන නවයොවුන් පෙම්වතුන්ගේ අසභ්‍ය දර්ශණ ෆේස්බුක් කළඹයි.




කුරුණෑගල දිස්ත්‍රික්කයේ පාසලක ඉගෙනුම ලබන පෙම්වතුන් යුවළක් හෝටල් කාමරයක් තුලදී පටිගත කරන ලද අසභ්‍ය දර්ශණ සහිත වීඩියෝවක් සහ ජායාරූප කිහිපයක් මේ වනවිට අන්තර්ජාල වෙත නිකුත් වී තිබේ.

එම දර්ශණ වල සිටින නවයොවුන් තරුණිය සහ තරුණයා බියර් පානය කරමින් ලිංගික සංසර්ගයේ එක්වන අයුරු දැක්වේ.

ප්‍රේම සම්බන්ධතාවය බිඳවැටීමක් මත අදාළ තරුණයා විසින් මෙම ජායාරූප අන්තර්ජාලයට නිකුත් කර ඇතැයි පැවසෙන අතර එහි සිසුවියන් දෙදෙනෙකු සමඟ ඔහු අවස්ථා දෙකකදි සම්බන්ධතා පැවැත්වූ අයුරු දැක්වෙන බව අනාවරණය වී ඇත. 

තවත් බරපතළ සමාජ ඛේදවාචකයකින් අවසන්වීමට නියමිත් මෙම දර්ශණ ෆේස්බුක් අවකාශය තුල සංසරණය වනු දුටුවහොත් වහාම එය එම ආයතනයට දැනුම් දෙන ලෙස අප ඔබගෙන් ඉල්ලා සිටිමු. 

නව යොවුන් වියේ දරුවන් අතර ඇතිවන ප්‍රේම සම්බන්ධතා සහ ඒ හරහා ඇතිවන අනාරක්ෂිත ලිංගික සම්බන්ධතා පිළිබඳව දෙමාපියන් අවධානයෙන් සිටිය යුතුය. සිය ජීවිතයේ ලිංගික සම්බන්ධතා වැනි තීරණාත්මක කරුණු ගැන තීරණ ගැනීමේ හැකියාව නොමැති දරුවන් ආරක්ෂා කිරීම අප සියලු දෙනාගේම වගකීමකි. 



ඉරාජ්ගේ “නිම්නාවියේ” මියුසික් විඩීයෝවට එල්ල වූ අමුතු ප්‍රතිචාර මෙන්න (PHOTOS)



ඉරාජ් වීරරත්න විසින් ඊයේ(09)දිනයේදී නවතම මියුසික් වීඩීයෝව සමාජ ජාල වෙත යොමු කර තිබුණි.සමාජ ජාල තුළ ආන්දෝලනාත්මකව කතා බහට ලක් වූ මෙම විඩීයෝවට ලැබී ඇති ප්‍රතිචාර පහතින්



එම මියුසික් විඩීයෝව පහතින් නැරඹිය හැක.



යහපාලනය පල දරයි... පෙට්‍රල් 20කින් - ඩීසල් 9කින් - භූමිතෙල් 40කින් ඉහළට



ඉන්ධන මිල අද (10) රාත්‍රීයේ සිට ඉහළ දැමෙනු ඇතැයි රජයේ ආරංචි මාර්ග කියයි.
ඒ අනුව නව මිල ගණන් මුදල් අමාත්‍යාංශය විසින් අද පස්වරුවේ ප්‍රකාශයට පත් කෙරෙනු ඇතැයි වාර්තා වේ.
ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් ජනාධිපති නිල නිවසේ ඊයේ (9) රාත්‍රී පැවති ඇමැතිවරුන්ගේ විශේෂ සාකච්ඡාවක දී ඉන්ධන මිල වැඩි කිරිමට තීරණය වී ඇතැයි දැනගන්නට තිබේ.
පෙට්‍රල් ලීටරයක් රුපියල් 20 කින් ද ඩීසල් ලීටරයක් රුපියල් 9 කින් හා භූමිතෙල් ලීටරයක් රුපියල් 40 කින් ද වැඩි කිරිමට යෝජනා වී ඇතැයි පැවසේ.
ධීවරයන්ට සහ සමෘද්ධීලාභීන් සඳහා භුමිතෙල් සහන මිලට සැපයීමට තීරණය වී ඇතැයි වාර්තා වේ.  

ශ්‍රී ලංකා වාර්තාවක් තැබූ 4 ~ 100 සහාය දිවීමේ බාලිකා කණ්ඩායම ජපාන සංචාරයෙන් ඉවතට


ලබන ජූලි මස 7දා සිට 10දා දක්වා ජපානයේදී පැවැත්වෙන ආසියානු කනිෂ්ඨ මලල ක්‍රීඩා ශූරතා තරගාවලිය සඳහා ක්‍රීඩක ක්‍රීඩිකාවන් 12 දෙනකුගෙන් යුත් ශ්‍රී ලංකා කණ්ඩායම ප්‍රකාශයට පත් කර ඇතත් පසුගියදා ශ්‍රී ලංකාවේදී නිමාවට පත්වූ දකුණු ආසියානු මලල ක්‍රීඩා ශූරතා තරගාවලියේදී රන් පදක්කම් දිනාගත් අය අතරින් මීටර් 4ඔ100 සහාය දිවීමේ බාලිකා කණ්ඩායම පමණක් ජපාන සංචාරයෙන් ඉවත් කිරීම මවිතය දනවන කරුණකි.
එනම් පසුගිය සෙනසුරාදා (5දා) පැවැති දකුණු ආසියානු කනිෂ්ඨ මලල ක්‍රීඩා තරගාවලියේ බාලිකා සහාය දිවීමේ ඉසව්වේදී තත්පර 46.23කින් තරගය නිම කරමින් ප්‍රබල ඉන්දියානු කණ්ඩායම පරාජයට පත් කරමින් අමාෂා ද සිල්වා (මහනුවර ස්වර්ණමාලි බා.වි.), ෂර්මිලා ජෑන් හා ශෙලින්ඩා ජැන්සෙන් (ගේට්වේ ජාත්‍යන්තර පාසල) සහ සාෆියා යාමික්් (මහනුවර විහාරමහාදේවි බා.වි.) යන ශ්‍රී ලංකා කණ්ඩායම රන් පදක්කම දිනා ගත්තේ සුසන්තිකා ජයසිංහ හා දමයන්ති දර්ශා යන ක්‍රීඩිකාවන් ද ඇතුළත්ව සිටි ශ්‍රී ලංකා බාලිකා කණ්ඩායමක් මීටර් 100 සහාය දිවීමේ ඉසව්වෙන් වසර 24කට පෙර තබා තිබූ වාර්තාවක්ද බිඳ හෙළමිනි. ඒ අනුව මෙකී බාලිකා කණ්ඩායමේ වත්මන් දක්ෂතා ආසියානු මට්ටමෙන් වුවද කනිෂ්ඨ මලල ක්‍රීඩා තරගාවලියකදී පදක්කමක් දිනා ගත හැකි මට්ටමක පවතින අතර පදක්කම් දිනාගත හැකි මට්ටමේ ක්‍රීඩක ක්‍රීඩිකාවන් පමණක් ජාත්‍යන්තර තරගාවලියන්ට සහභාගි කරවිය යුතුය යනුවෙන් නව ක්‍රීඩා අමාත්‍ය ෆයිසර් මුස්තාපා විසින් ශ්‍රී ලංකා මලල ක්‍රීඩා සංගමයට දෙන ලද උපදෙස් ද මෙම තෝරාගැනීම මඟින් පැහැර හැර ඇති බවද පෙනේ.
කෙසේ වෙතත් ජපානය බලා යන ශ්‍රී ලංකා කණ්ඩායම අරුණ දර්ශන (වීර කැප්පෙටිපොළ ජාතික පාසල), පසිඳු කොඩිකාර (කුරුණෑගල මලියදේව), පබසර නිකූ (කොළඹ නාලන්ද), රවිෂ්ක ඉන්ද්‍රජිත් (කොටහේන ශා. බෙනඩික්), හර්ෂ කරුණාරත්න (වලල ඒ. රත්නායක), තරිඳු දසුන් (ගාල්ල මහින්ද), අමාෂා ද සිල්වා (මහනුවර ස්වර්ණමාලි), දිල්ෂි කුමාරසිංහ (වලල ඒ. රත්නායක), රුමේෂි අත්තිඩිය (නුගේගොඩ ලයිසියම්), සචිනි දිව්‍යාංජලි (වත්තල ලයිසියම්), සඳුමිණි බණ්ඩාර (සා. ජෝසප් කෑගල්ල) හා රිද්මි නිෂාදි (අම්බලන්ගොඩ ධර්මාශෝක) යන ක්‍රීඩක ක්‍රීඩිකාවන්ගෙන් සමන්විතය. තවද පුහුණුකරුවන් ලෙස සංජීව වීරක්කොඩි හා අසංක රාජකරුණාත් කාන්තා කණ්ඩායම් භාර නිලධාරිනිය ලෙස යමුනා රත්නායකත් පත්කර ඇති අතර අවශ්‍ය වූ විටෙක පත් කිරීම සඳහා කළමනාකරුවකු ලෙස අයි. ඩී. ප්‍රේමසිරි මහතාගේ නමත් ඇතුළත් කර ඇත.

මේ ගෑනු ලමයගෙ ඔලුව කෝටි 100ක් වටිනවා. හේතුව? - 100 මැරීම (PHOTOS)


ජොඇනා පලානි යනු ඩෙන්මාර්කයේ ජිවත් වන 23 හැවිරිදි දේශපාලන ශිෂ්‍යාවකි. ඇගේ හිසට ඩොලර් මිලියනයක ත්‍යාගයක් හිමි වී තියෙන්නේ ඉරාකය හා සිරියාව තුල සටන් වදින ISIS ත්‍රස්තයන් 100 දෙනෙක්ව ඝාතනය කර ඇති නිසායි.
ඉරාන කුර්දි පෙලපතට අයත් වන ජොඇනා, පලමු ගල්ෆ් යුද්ධයෙන් පසු ඉරානයේ රමාදි හි සරණාගත කදවුරක උපත ලබා තියෙනවා. 9වන වියේදී ප්‍රථම වෙඩි තැබීම සිදු කල ඇය2014 වර්ෂයේදී විද්‍යාලයෙන් නික්මී සිරියාව වෙත ගොස් තියෙනවා. සිරියානු ආණ්ඩුවට එරෙහිව හා අරාබි වසන්තයට එරෙහිව පලමු සටන අසාද් තන්ත්‍රය වෙනුවෙන් කල අතර පසුව ISIS එරෙහිව සටන් කලා. තුර්කියට මායිම්ව තිබෙන සිරියානු නගරයක් වන කොබනේ හි ද සටන් කල ඇය කුර්දි ජනයාගේ ආරක්ෂක ඒකකය වන (YPG) සමගද සටනට එක්වුනා. ඒ වගෙම ඉරාකයේ පෙෂ්මර්ගා බලඇනිය සමග සටන් කරමින් ලිංගික වහලුන් ලෙස බන්ධනාගාර ගත කර සිටි යසිඩි ගැහැණුන්ව මුදා ගැනීමටද ඇය දායක වුනා.
2015 සැප්තැම්බර් මාසයේදී සටන් වලින් පසු නැවත පැමිනි ඇයව ඩෙන්මාර්ක් බලධාරින්ගේ අවදානයට යොමු වුනා. ඇයට එම කලාප වලට නැවත ගමන් කිරීම තහනම් කල අතර ඩෙන්මාර්කයේ විශාලම බන්ධනාගාරය වන Vestre Fængsel හි සති 3ක් කාලයක් සිරගත කරනු ලැබුවා. ඇගේ ගමන් බලපත්‍රයද අවලංගු කර ඇති අතර ඇයව එම රට තුල ත්‍රස්තවාදියෙකු ලෙස නම් කර තියෙනවා. පලි ගැනීමේ භීතියෙන් නිතරම ස්ථාන වෙනස් කරමින් ජිවත් වන ඇය “නීතිය කඩා දැමීම පිලිබද මට කණගාටුයි, නමුත් ඒ මොහොතේදී මගේ හිතේ වෙනත් අරමුණක් තිබුනේ නැහැ” යනුවෙන් පවසා තියෙනවා.
“මගේ හිසට ඩොලර් මිලියන1 ක් හිමිවේ. මාව සොයා ගැනිමට හා මරා දැමීමට හැකි වුනද, මේ තත්වය තුල මා ඩෙන්මාර්කය තුලම සිටිනවා”
ජොඇනා පලානි තවමත් තරුණියක්, ඇය 2014දී විද්‍යාලයෙන් පිටව සිරියානු යුද්ධයට එකතු වුනා.
ඇය ෆේස්බුක් මත සටහන් කර තිබුනේ “කාන්තා අයිතිවාසිකම් හා ප්‍රජාතන්ත්‍රවාදය සදහා සටන් කිරීමට යුරෝපිය අගයන් සදහා මම ඩෙන්මාර්ක කෙල්ලක මෙන් ඉගෙන ගත්තා”
ඉරාකයේ හා සිරියාවේ කුර්දි පෙෂ්මර්ග සමග සටන් වදිද්දි ඇය ISIS සටන්කරුවන් 100කට අධික සංඛ්‍යාවක් මරා දමා තියෙනවා.
ලිංගික වහලුන් ලෙස බන්ධනාගාරගත වූ යසිඩි ගැහැනුන් මුදා ගැනීමටද ඇය දායක වුනා.
“අපි ISIS ලිංගික වහලුන්ගේ නිවෙස් මුදා ගැනීමට සූදානම් වෙමින් සිටියදී මෙසේ ප්‍රකාශ කලා – එක් සටන් කරුවෙකු මුදවා ගැනීමට ගිය නමුත් තව බොහෝ සටන් කරුවන් ආපසු එනු ඇත”
“මා ස්නයිපර් කරුවෙකු ලෙස දින 9ක් එක දිගට රැදී සිටියා. ඔබ ඉතා ඉවසිලිවන්ත විය යුතුය. අවධානය යොමු කල යුතුය. එක මොහොතකවත් එකගතාව නැතිකර නොගත යුතුය”
ඇගේ ක්‍රියාවන් ඩෙන්මාර්ක බලධාරින්ගේ අවදානයට ලක් වූ අතර. 2015 සෑප්තැම්බර් මාසයේ සටන් වලින් නැවත පැමිණි විට ඇයට නැවත කලාපයට යාමට තහනම් කලා.
තනිව සටන් කිරීමට ඇගේ සහෝදරවරුන්ව අතහැර දැමීමට නොහැකි වූ නිසා සිරියාවේ දේශසීමා තරණය කිරිමට ඇය රාත්‍රිය පුරා පැය 7ක් එක දිගට ගමන් කලා.
ආපසු පැමිනි විට ඇය ඩෙන්මාර්කයේ විශාලම බන්ධනාගාරයේ සති 3ක් සිර කරනු ලැබුවා.
තම රට තුල ඇයව ත්‍රස්තවාදියකු ලෙස සලකන බව ඇය විශ්වාස කරන අතර පලිගැනීමේ භීතියෙන් සැගවෙමින් ඇය ජිවත් වෙනවා.
“නීතිය කඩ කිරීම ගැන මට කණගාටුයි, නමුත් ඒ අවස්තාවේ මගේ මනස තුල වෙනත් තෝරා ගැනීමක් තිබුනේ නැහැ” ඇය පවසා තිබෙනවා.
“මගේ ජීවිතය අවදානමේ දැමු දෙයම, දැන් මගේ නිදහස පැහැර ගන්නවා. අපේ නිදහස හා ආරක්ෂාව වෙනුවෙන් සටන් කලාට සැම දෙයක්ම අහිමි වේ යැයි මම අපෙක්ෂා කලේ නැහැ”
මේ සුන්දර සටන්කාමී තරුණිය ගැන ඔයාට මොකද හිතෙන්නේ? අදහස් අපිට කියන්න. සුභ දවසක්.

කෝටි දෙකේ අල්ලස පිටුපස LTTE බුද්ධි අංශය..?


කන්තලේ සීනි සමාගමට අයත් යන්ත්‍ර සූත්‍ර සහ ගොඩනැගිලි පවරා දීම සඳහා අනුමැතිය ලබා දීමට අල්ලස් වශයෙන් රුපියල් මිලියන 540ක මුදලක් ඉල්ලා ඉන් රුපියල් මිලියන 20ක් අත්තිකාරමක් වශයෙන් ලබාගත් බව පැවසෙන සිද්ධිය අල්ලස් කොමිසමට පැමිණිලි කළ ඉන්දීය ජාතිකයාගේ ජීවිතයට බරපතළ තර්ජනයක් එල්ල වී ඇතැයිඅල්ලස් කොමිසමේ සහකාර නීති අධ්‍යක්‍ෂ ජනරාල් අසිත ඇන්තනි මහතා කොළඹ අතිරේක මහේස්ත්‍රාත් බුද්ධික ශ්‍රී රාගල මහතා ඊයේ (09දා)දැනුම් දුන්නේය.
මෙම සිද්ධිය අල්ලස් කොමිසමට පැමිණිලි කළ ඉන්දීය ජාතිකයාගේ කොළඹ 07, රොස්මිඩ් පෙදෙසේ පිහිටි කාර්යාලයට %එල්.ටී.ටී.ඊ. බුද්ධි අංශ සාමාජික ජෝශප්^යැයි කියමින් පැමිණි පුද්ගලයෙකු හේතුවෙන් පැමිණිලිකරුගේ ජීවිතයට මෙලෙස බරපතළ තර්ජනයක් එල්ල වී ඇතැයිද සහකාර නීති අධ්‍යක්‍ෂ ජනරාල් අසිත ඇන්තනි මහතා වැඩිදුරටත් දැනුම් දුන්නේය.

ශ්‍රී ලංකා ආයෝජන මණ්ඩලයේ ව්‍යාපෘතියක් වශයෙන් ‘එම්.ජී. ෂුගර් පෞද්ගලික සමාගමට කන්තලේ සීනි සමාගමට අයත්  අක්කර 2,400ක භූමිප්‍රමාණයක් රජය මගින් පවරා දී ඇති බවත්, එම සීනි සමාගමට අයත් යන්ත්‍ර සූත්‍ර සහ ගොඩනැගිලි පවරා දීම සඳහා අනුමැතිය ලබා දීමට අල්ලස් වශයෙන් රුපියල් මිලියන 540ක් ඉල්ලා එය රුපියල් මිලියන 100ක් දක්වා අඩුකර අත්තිකාරම් වශයෙන් රුපියල් මිලියන 20ක අල්ලස් මුදලක් ඉල්ලා ලබාගත්තේ යැයි පැවසෙන සිද්ධියට අදාළ පැමිණිල්ල අධිකරණය හමුවේ කැඳවනු ලැබූ අවස්ථාවේදී මේ බව දැනුම් දුන්නේය.
මෙම සිද්ධියේ පැමිණිලිකරු වන ඉන්දීය ජාතික කොටහා රාලහල්ලී කොඩි ඩප්පයියා නඩරාජා මහතා ඒ අවස්ථාවේදී කාර්යාලයේ සිට නොමැති බවත්, එල්.ටී.ටී.ඊ. බුද්ධි අංශ සාමාජිකයෙකු වන ජෝශප් බව කියමින් පැමිණි පුද්ගලයෙකු සමාගමේ පිළිගැනීමේ නිලධාරීනිය හමුවී තමන්ට නඩරාජා මහතා හමුවීමට අවශ්‍ය බවත්, තමන් පැමිණියේ ඔහුට උදව් කිරීමට බවත් පවසා ඇති බවත් අධිකරණයට දැනුම් දුන් සහකාර නීති අධ්‍යක්‍ෂ ජනරාල් ඇන්තනි මහතා, නඩරාජා මහතා නොමැති බව පැවසූ විට ඔහුගේ දුරකථන අංකය ඉල්ලා ඇතැයිද දැනුම් දුන්නේය.
සමාගමේ පිළිගැනීමේ නිලධාරීනිය නඩරාජා මහතාගේ දුරකථන අංකය ලබාදී නැතත් මෙම තත්ත්වය හේතුවෙන් ඔහුගේ ජීවිතයට බරපතළ තර්ජනයක් එල්ල වී ඇතැයි දැනුම් දුන් සහකාර නීති අධ්‍යක්‍ෂ ජනරාල්වරයා මේ සම්බන්ධයෙන් ඔවුන් ඊයේ (09දා)කුරුඳුවත්ත පොලීසියට පැමිණිලි කිරීමට කටයුතු කරන බවත් දැනුම් දුන්නේය.


සැකකරුවන් වෙනුවෙන් පෙනී සිටි ජනාධිපති නීතිඥ රියෙන්සි අර්සකුලරත්න මහතා කරුණු ඉදිරිපත් කරමින් මෙයට තම සේවාදායකයන්ගේ කිසිදු සම්බන්ධතාවක් නොමැති බවත්, මෙය තම සේවාදායකයන් අපහසුතාවට පත් කිරීමේ අරමුණින් කිසියම්පුද්ගලයෙකු විසින් කරන ලද්දක් වීමට හැකියාව ඇති බවත් දැනුම් දුන්නේය.

ada.lk 

වෙල්ලමුල්ලවයික්කාල සැමරුමට සියලු වියදම් මහජන මුදලින්, උතුරු පළාත් සභාවෙන්.... සංවිධානය යාපනය විශ්ව විද්‍යාලයෙන්.



මියගිය LTTE ත්‍රස්‌තවාදීන් සිහිකරමින් මුල්ලිවයික්‌කාල් සමරුව සඳහා උතුරු පළාත් සභාව වැය කරන්නේ රජයේ මුදල් බව අනාවරණය වී ඇත. 
 
 කොටි සංවිධානය තහනම් සංවිධානයක්‌ ලෙස තවදුරටත් ක්‍රියාත්මක වෙද්දි රජයේ මුදල් වැය කිරීමට උතුරු පළාත් සභාවට හැකියාවක්‌ නැතැයි රජයේ ආරංචි මාර්ග පවසයි.
 
 උතුරු මහ ඇමැති සී. විග්නේශ්වරන් පළාත් සභා විෂය පථය උල්ලංඝනය කරමින් යාපනය විශ්වවිද්‍යාල ශිෂ්‍ය සංගමය ගෙන්වා මුල්ලිවයික්‌කාල් සමරුව පැවැත්වීම සඳහා සාකච්ඡා පවත්වා ඇත.
 
 මේ අතර යාපනය විශ්වවිද්‍යාල ශිෂ්‍ය සංගමය රජයේ අවසරයකින් තොරව මුල්ලිවයික්‌කාල් ප්‍රදේශයද ශුද්ධ පවිත්‍ර කර තිබේ.

- දිවයින

රජයේ අමතර වියදම් වලට තවත් කෝටි 1904 ක් ඉල්ලයි..!


රජයේ වියදම් සඳහා අමතර ප්‍රතිපාදන සපයා ගැනීමට රුපියල් කෝටි 1904ක තවත් පරිපූරක ඇස්තමේන්තුවක් පාර්ලිමේන්තුවට අද ඉදිරිපත් කෙරිණි.
ආණ්ඩු පක්ෂයේ ප්‍රධාන සංවිධායක ගයන්ත කරුණාතිලක මහතා මෙම පරිපූරක ඇස්තමේන්තුව ඉදිරිපත් කළේය.
මේ පරිපූරක ඇස්තමේන්තුව මගින් විදේශයන්හි තානාපති කාර්යාලවලට වාහන මිලදී ගැනීම සඳහා විදේශ කටයුතු අමාත්‍යංශයට රුපියල් කෝටි අටකට වැඩි මුදලක්ද එක්සත් ජාතීන්ගේ සාම සාධක කටයුතු පිළිබඳ ව්‍යාපෘතියේ විදයම් වෙනුවෙන් ශ්‍රී ලංකා යුද හමුදාවට රුපියල් කෝටි 151ක මුදලක් ද ක්‍රීඩා යටිතල පහසුකම් සංවර්ධනය කිරීම සඳහා ක්‍රීඩා අමාත්‍යංශයට රුපියල් කෝටි 18ක මුදලක් ද වෙන් කර ඇත.
මෙයට අමතරව විශ්ව විද්‍යාල ශිෂ්‍යයන්ගේ මහපොළ ශිෂ්‍යත්වය සඳහා විදයදම් වෙනුවෙන් විශ්ව විද්‍යාල ප්‍රතිපාදන කොමිෂන් සභාවට රුපියල් කෝටි 125ක මුදලක් ද වෙන් කර තිබේ.
සමූද්‍රීය ආරක්ෂක ශක්‍යතා වැඩි දියුණු කිරීමේ ව්‍යාපෘතිය වෙනුවෙන් ආරක්ෂක අමාත්‍යංශයට කෝටි 266 කට වැඩි මුදලක් ද දක්ෂිණ අධිවේගී මාර්ගයේ ඉදිකිරීම් වියදම් වෙනුවෙන් රුපියල් කෝටි 260ක මුදල්ක වෙන් කර තී ඇතැයි පරිපූරක ඇස්තමේන්තුවේ සඳහන් වෙයි.
සුජිත් හේවාජුලිගේ සහ ආරියරත්න රණබාහු

ජනපති මාධ්‍ය අංශයේ ට්විට්ර් ගිණුම ගැන පළකළ BBC මාධ්‍යවේදී අසාම් CIDයට කැඳවයි.


ජනපති මෛත්‍රීපාල සිරිසේන මහතාගේ ප්‍රකාශයකට ජනපති මාධ්‍ය අංශය විසින් එක්කොට තිබූ සෘණාත්මක අදහසක් සිය ට්විටර් ගිණුම හරහා අණාවරණය කළ බී.බී.සී. සිංහල සංදේශයේ අසාම් අමීන් ප්‍රකාශයක් ලබාගැනීමට අපරාධ පරීක්ෂණ දෙපාර්තමේන්තුව යටතේ පවතින සයිබර් අපරාධ විමර්ශන ඒකකයට කැඳවා ඇති බවට වාර්තා වෙනවා.
ඔහුට අද (10දා) පෙ.ව. 10.00ට මෙම ප්‍රකාශය ලබා ගැනීමට පැමිණෙන ලෙස දන්වා ඇති අතර ජනපති මාධ්‍ය අංශය විසින් අදාළ සිදුවීම පිළිබඳව ප්‍රකාශයක් කරමින් පැවැසුවේ සිදුවීම සම්බන්ධයෙන් පරීක්ෂණයක් පවත්වන බවයි.
මේ පිළිබඳව සමාජජාල ඔස්සේ කතාබහක් ඇතිවුණු අතර ආරංචි මාර්ග වලින් දැනගන්නට ලැබුණේ මෙම සිදුවීමට හේතුව ජනපති මාධ්‍ය අංශයේ ට්විටර් ගිණුම මොනයම් හෝ හේතුවකින් වෙනත් පාර්ශවයක් අතට පත්වීම බවයි.
ජනපතිගේ ට්විටර් ප්‍රකාශය හා ඊට පහතින් දැක්වෙන්නේ ජනපති මාධ්‍ය අංශයේ ටිවිටර් ගිණුම හරහා සිදුකළ ප්‍රකාශයි.


ඉරාජ් ජනපති සිරිසේනගේ ප්‍රකාශයට උත්තර දෙයි... විජයකලා විජය වෙයි... සරාගී දර්ශණ සහිත රට කළඹන වීඩියෝව මෙන්න (VIDEO)



නව පරපුරේ සංගීත අධ්‍යක්ෂකවරයෙකු වන ඉරාජ් වීරරතන සිය නවතම මියුසික් වීඩියෝව මීට සුලු මොහොතකට පෙර අන්තර්ජාලය වෙත නිකුත් කලා.

කාන්තා ගෘහස්ත ප්‍රචන්ඩත්වය පිටුදකිමින් නිර්මාණය කර ඇති එම වීඩීයෝව ආන්දෝලනාත්මක දර්ශණ රැසකින් සමන්විතයි.

එම වීඩියෝව ඔබට පහතින් නැරඹිය හැක. 


ෆොන්සේකා ජනපතිට වැඳ සමාව ගනී


තිරසර සංවර්ධන වන ප්‍රාදේශීය සංවර්ධන ඇමැති ෆීල්ඩ් මාර්ෂල් සරත් ෆොන්සේකා මහතා අද (9) දහවල් ජනපති මෛත්‍රීපාල සිරිසේන මහතා හමුවී සමාව ගෙන තිබෙනවා.
ජනපති මෛත්‍රිපාල සිරිසේන මහතාගේ ප්‍රධානත්වයෙන් අද (9) පෙරවරුවේ පැවති කැබිනට් රැස්වීමෙන් පසුව ඇමැතිවරයා තවත් ඇමැතිවරුන් කිහිප දෙනකු ද සමඟ ගොස් ජනපතිවරයාගෙන් සමාව ගෙන ඇති බවයි ආරංචි මාර්ග ඔස්සේ වැඩිදුරටත් වාර්තා වන්නේ.
සරත් ෆොන්සේකා මහතා ඉකුත් 3 වැනි දා නව අමාත්‍ය ධූරයේ වැඩ බාර ගැනීමෙන් පසුව පැවැත්වු ප්‍රවෘත්ති සාකච්ඡාවකදී ජනාධිපතිවරයා දැඩි ලෙස විවේචනය කර තිබු අතර, ඔහු පසුගිය ඉරිදා පැවති එක්සත් ජාතික පක්ෂ මැයි රැලියේ දී ද අදහස් දක්වමින් ජනාධිපතිවරයාගේ ක්‍රියාකලාපය දැඩි ලෙස විවේචනය කර තිබිණි.

ශ්‍රී ලංකාවේ පිරිමින්ට වඩා කාන්තාවන් ලක්ෂ 7 ක් වැඩියි.



2017 වසරේ මධ්‍ය වාර්ෂික ජනගහනය මිලියන 21.4 ක් ලෙස ඇස්තමේන්තු කර ඇති අතර වාර්ෂික ජනගහන වර්ධන වේගය 2016 වසරේ පැවති සියයට 1.1 ක අගයෙහි නොවෙනස්ව පැවතිණි. මධ්‍ය වාර්ෂික ජනගහනයෙන් මිලියන 10.4 ක් (සියයට 48.4ක්) පුරුෂයන් වන අතර මිලියන 11.1 ක් (සියයට 51.6 ක්) ස්ත්‍රීන් විය.

2017 වසරේ දී වයස අවුරුදු 15 ට අඩු, අවුරුදු 15-59 දක්වා සහ අවුරුදු 60 සහ ඊට වැඩි වයස් කාණ්ඩවල ජනගහනය මුළු ජනගහනයෙන් පිළිවෙලින් 25.2% ක්, 62.4% ක් සහ 12.4% ක් විය.

2016 වසරේ දී 338 ක්වූ ජන ඝනත්වය සියලුම දිස්ත්‍රික්කවල දායකත්වයෙන් 2017 වසරේ දී 342 දක්වා අඛණ්ඩව ඉහළ ගියේය. ද.දේ. නිෂ්පාදිතයට ප්‍රමුඛතම දායකත්වය සපයන බස්නාහිර පළාත, 2017 වසරේ දී මුළු මධ්‍ය වාර්ෂික ජනගහනයෙන් 28.4% ක් නියෝජනය කළ අතර මධ්‍යම, දකුණ සහ වයඹ පළාත් පිළිවෙලින් 12.7% ක, 12.2% ක සහ සියයට 11.7 ක දායකත්වයක් ලබා දෙන ලදී.

2017 මහ බැංකු වාර්ෂික වාර්තාවෙහි මෙම තොරතුරු අන්තර්ගත වේ.

මොනවද මේ ජෛව රසායනික අවි?


‍යුද්ධයක දී භාවිත කළ හැකි ඉතාමත්ම අමානුෂික හා භයානක ආයුධයක් ලෙස ජෛව රසායනික අවි හඳුන්වන්නට පිළිවන්. ලොව බොහෝ විද්වතුන් සදාචාර විරෝධී ක්‍රමයක් ලෙස හැඳින්වූවත් බලවත් ජාතීන් විසින් පවා සිය සතුරා මර්ධනය කිරීම සඳහා මේ ක්‍රම යොදාගෙන තිබෙන්නේ අද ඊයෙක නොවේ. ‘ජෛව රසායනික අවි’ පිළිබඳව බොහෝ දෙනෙක් අසා තිබුණත් එහි සම්භවය, ඉතිහාසය, හෝ ක්‍රමවේදයන් පිළිබඳව බොහෝ දෙනා තුල ඇත්තේ අසම්පූර්ණ දැනුමක්. ලොව පුරා විවිධ දේ පිළිබඳව දැනුම පිපාසයෙන් පෙළෙන ඔබ වෙත ජෛව රසායනික අවි පිළිබන්දව සවිස්තරාත්මක ලිපියක් ඉදිරිපත් කිරීමට අපි අදහස් කළේත් ඒ නිසාමයි.

ජෛව රසායනික අවි ලෙස හඳුන්වන්නේ මොනවා ද?

ජෛව රසායනික අවියක් භාවිතා කිරීම යනු රෝගකාරක ජීවියෙක් හෝ ද්‍රව්‍යයක් හෝ, එසේත් නැත්නම් ධූලකයක් හිතාමතාම මිනිසුන්, සතුන්, හෝ වගාවන් ඉලක්ක කරගෙන මුදා හැරීම යි. මේවා පුද්ගලයෙකුගෙන් තවත් පුද්ගලයෙකුට සම්ප්‍රේෂණය විය හැකි හෝ, එසේ නොහැකි යනුවෙන් කොටස් දෙකකට වෙන් කොට දැක්විය හැකි යි.
ජෛව රසායනික අවියක් මුදාහළ හැකි ප්‍රධාන ක්‍රමවේද කිහිපයක් තිබෙනවා. ඒවා වාතයට මුසු කිරීම, මිනිස් වාහකයන් යොදාගැනීම, සතුන් මඟින්, ආහාර මඟින් මෙන්ම ජලය ඔස්සේ ද ව්‍යාප්ත කළ හැකි යි. ජෛව රසායනික අවි ලෙස බහුතරයක් අවස්ථා වල දී යොදා ගන්නේ බැක්ටීරියා, වෛරස, හෝ ධූලක යි. ඇන්ත්‍රැක්ස් ඇති කරන Bacillus anthracisබැක්ටීරියාව, මහාමාරිය ඇති කරන Yersinia pestis  බැක්ටීරියාව, හා බොටුලිසම ඇති කරන බොටුලිනම් ධූලකය ඉතිහාසය පුරා වැඩිපුරම යොදාගෙන තිබෙන ජෛව රසායනික අවි කිහිපයක් වෙනවා.
වර්ණ ගන්වන ලද ඇන්ත්‍රැක්ස් බැක්ටීරියාව අන්වීක්ෂීයෙන් පෙනෙන අයුරු – vitalrecord.tamhsc.edu
මිනිස් වර්ගයාට අපහසුතා ඇති කිරීම සඳහා වගාවන් ඉලක්ක කොට ගෙන ජෛව රසායනික අවි යොදාගැනීමේ දී, බැක්ටීරියා හා වෛරස වලට අමතරව දිලීර මෙන්ම ප්‍රොටොසෝවාවන් ද යොදාගන්නවා. මිනිස් වර්ගයාගේ ප්‍රයෝජනය උදෙසා ජෛව රසායනික අවි යොදාගන්නා එක් අවස්ථාවක් ලෙස හානිදායක කෘමීන්ට එරෙහිව තවත් ජීවියෙක් ව්‍යාප්ත කොට, එම හානිදායක කෘමි ප්‍රජාව පාලනය කිරීම ගත හැකි යි. විසිවන සියවසේ අග භාගයේ ශ්‍රී ලංකාවේ පොල් වගාවට වින කැටූ පොල් පත්‍ර කණින්නා හෙවත් promecotheca cumingi මර්ධනය කිරීමට Dimmockia javanica නම් ජීවියා යොදා ගැනීම මීට හොඳම උදාහරණයක්.

ජෛව රසයනික අවි වල ඉතිහාසය

යුධමය කටයුත්තක් සඳහා ජෛව රසායනික අවි යොදාගැනීමේ ඉතිහාසය අදින් වසර 700 ක් පමණ ඈතකට දිවයනවා. ක්‍රි.ව 1346 වසරේදී යුරෝපය අල්ලා ගැනීමේ සටන් වල නියුතුව සිටි මොංගෝලියානු හමුදාව විසින් කැටපෝල යොදාගෙන, මහාමාරිය රෝගයෙන් මියගිය අයවළුන්ගේ මළකඳන් ක්‍රිමියාවේ කැෆා නුවරට ජලය සැපයූ මූලාශ්‍ර වලට හා නගර මධ්‍යයට විදිනු ලැබුවා. මේ හේතුවෙන් වසංගතයක් මෙන් මහාමාරිය පැතිර ගිය අතර බොහෝ දෙනා රෝගය වැළඳී මිය ගියා. කෙසේ නමුත් අවසානයේ දී මහාමාරි වසංගතය මොංගෝලියානුවන්ට ද පාලනය කරගත නොහැකි වූ අතර, නුවරින් බේරී පැනගිය අයවළුන්ගෙන් අවට පෙදෙස් වලට ද රෝගය පැතිරී ගියා.
කැෆා නුවර වැටලීම -modernnotion.com
මහාමාරිය ඇති කරන රෝගකාරකය ජෛව රසායනික අවියක් ලෙස යොදා ගත් අවස්ථා එතෙකින් නිමා වන්නේ නැහැ. දෙවන ලෝක යුධ සමයේ ජපානය විසින් මහාමාරියවාහක මැක්කන් මිලියන 15ක් චීනය වෙත මුදා හැරි බව සඳහන් වෙනවා. මීට අමතරව ඇමෙරිකාව හා රුසියාව ද මෙය ජෛව රසායනික අවියක් ලෙස යොදාගැනීමේ සූදානමක සිට තිබෙනවා.
මහාමාරියට අමතරව වසූරිය රෝග කාරකයත් ජෛව රසායනික අවියක් ලෙස ඉතිහාසයේ බොහෝ කොටම යොදාගෙන තිබෙනවා.  18 වන සියවසේ මැද භාගයේ දී බ්‍රිතාන්‍ය හමුදා හා ඇමෙරිකානු ස්වදේශික කණ්ඩායම් අතර යුධ ගිණි ඇවිළුණු විට බ්‍රිතාන්‍යයන් උපක්‍රමශීලීව වසූරිය රෝගකාරකය සහිත කබා හා ලේන්සු ස්වදේශිකයින්ට ලැබෙන්නට සලස්වා තිබෙනවා. පසුකාලීනව වසූරිය රෝගය ලොවින් තුරන් කළ පසුත්, එහි සංරක්ෂණය කර තිබූ නියැදි කිහිපය විනාශ කළ යුතු යැයි ජගත් වශයෙන් මතයක් පැණ නැඟුණේ ISIS සටන්කාමීන් වැනි ත්‍රස්ත සංවිධානයන් ඒවා සොරකම් කොට ජෛව රසායනික අවි ලෙස යොදා ගනීවි යැයි අවදානමක් පැවතුණු නිසා යි.
ජෛව රසායනික අවි වලින් ඇති වන බලපෑම සමහර විටෙක පාලනය කිරීමට නොහැකි තරමේ ජගත් අර්බුධයක් පවා නිර්මාණය කළ හැකි මට්ටමට යාමේ අවදානමක් ඇති නිසාත්, එහි ප්‍රතිඵල ඉතා දීර්ඝ කාලීනව ද බලපෑ හැකි නිසාත්, මේවා සම්බන්ධ විවිධ සම්මුතීන් වලට ජගත් ප්‍රජාව අනුගත වී තිබෙනවා.

ජෛව රසායනික අවි පිළිබඳ නව ප්‍රවණතා


තාක්ෂණයේ දියුණුවත් සමඟ ජෛව රසායනික අවි පිළිබඳව වූ අවදානම තවත් වැඩි වී තිබෙනවා. විශේෂයෙන් නිණිති තාක්ෂණය හා ජාන ඉංජිනේරු විද්‍යාව ඉතා දියුණු තත්ත්වයකට පත් වීමත් සමඟම ජෛව රසායනික අවියක ප්‍රබලත්වය ද ඒ ඔස්සේම වැඩි දියුණු කිරීමේ හැකියාව තිබෙනවා. මීට අමතරව පටක රෝපණ ක්‍රමවේද, ක්ලෝනකරණය, නවීන ඇසුරුම් ක්‍රම වැනි දෑ ද යොදාගෙන වඩා බලවත් ජෛව රසායනික ප්‍රහාරයක් එල්ල කිරීමේ හැකියාවක් පවතිනවා. ක්ලෝනකරණයෙන් හා පටක රෝපණයෙන් කාර්යයක්ෂ්ම ලෙස රෝග වාහක ගුණනය කර ගැනීම සිදු කළ හැකි අතර, නවීන ඇසුරුම් ක්‍රම නිසා වැඩි කලක් ඒවා නොනැසී පවත්වා ගැනීමේ හැකියාව ලැබෙනවා.

ජෛව රසායනික අවි වල යහපත් පැත්ත

ජෛව රසායනික අවි තැනීමේ හැකියාව වැඩි දියුණු වීමෙන් ලොවට සිදු වන්නේ අවැඩම පමණක් නොවේ. ජෛව රසායකින අවි මිනිසාට අවාසිදායක ජීවීන්ට එරෙහිවත් භාවිතා කරන්නට පිළිවන්. විශේෂයෙන් භෝග වගා කිරීමේදී පළිබෝධ විනාශ කිරීමට ජෛව රසායනික අවි යොදා ගන්නවා. ලිපියේ කලින් සඳහන් වූ පොල්පත්‍ර කණින්නා පාලනය කිරීමට යොදාගත් promecotheca cumingi මෙන්ම Bacillus thuringiensis ද ලොව වඩාත්ම කතාබහට ලක් වූ මානව වර්ගයාට යහපතක් කළ ජෛව රසායනික අවි වෙනවා. මීට අමතරව බැක්ටීරියා භක්ෂක වෛරස ද මිනිසාට හිතකර ජෛව රසායනික අවියක් සේ භාවිතා කරන්නට පුළුවන්.

ජෛව රසායනික අවියක බලපෑම

යම් පුද්ගලයෙකුට ජෛව රසායනික අවියක් මඟින් ඇති කරන බලපෑම සාධක කිහිපයක් හේතුවෙන් වෙනස් විය හැකියි. අවියට නිරාවරණය වූ කාලය, මාත්‍රාව, මුහුණ දෙන්නාගේ සෞඛ්‍ය තත්ත්වය, වෛද්‍යාධාර ලබා දීමට ගත වූ කාලය, හා පෙර සූදානම් වී සිටීම යන කරුණු අනුව ජෛව රසායනික අවියකට නිරාවරණය වූ පුද්ගලයාට වූ බලපෑම නිශ්චය කෙරෙනවා.

වඩා හිතකර ජෛව රසායනික අවි සහිත ලොවක් කරා…

තාක්ෂණයේ දියුණුවත් සමඟ අනාගතයේ දී වඩා ප්‍රබල ජෛව රසායනික අවි තැනීමේ හැකියාව ලොවට ලැබෙන බව නොරහසක්. කෙසේ නමුත් ඒවා සමස්ථයක් ලෙස මානව වර්ගයාට හිතකර හා වාසිදායක ලෙස යොදාගන්නවා ද, විනාශය සඳහා යොදාගන්නවා ද යන කරුණ මත මිනිස් ප්‍රජාවගේ අනාගතය තීරණය වනු ඇති.

උපුටා ගැනීම - Roar වෙබ් අඩවිය 

අහංගමට සංචාරයේ ආ නීති සිසුවියගේ ලක්ෂ 26ක් ඉවරයි..!



 සංචාරයක්‌ ස`දහා පැමිණ අහංගම හෝටලයක නතරව සිටි නීති ශිෂ්‍යාවකගේ රුපියල් විසි හය ලක්‌ෂ අසූ හතර දහස්‌ දෙසිය හැටක්‌ වටිනා රන් ආභරණ ද දේශීය සහ විදේශීය මුදල් තොගයක්‌ ද රාත්‍රී කාලයේ සොරකම් කර ඇතැයි අහංගම පොලිසිය පවසයි. 
 
 මෙම නීති සිසුවිය ඇයගේ මිතුරියක්‌ ද, මිතුරියගේ බ්‍රිතාන්‍ය ජාතික සැමියා ද සමග සංචාරය කරමින් සිටියදී අහංගම කන්ද ප්‍රදේශයේ පිහිටි මෙම හෝටලයට පැමිණ නතරව ඇත. 
 
 ඔවුන් සවස තුනයි තිහට පමණ හෝටලයෙන් පිටව ගොස්‌ වැලිගම ප්‍රදේශයේ සංචාරය කර රාත්‍රී දහයට පමණ නැවත පැමිණ කාඩ් ක්‍රීඩා කොට නින්දට ගොස්‌ ඇත. එහෙත් ඇය නින්දට ගොස්‌ ඇත්තේ දොරේ අ`ගුල නොදමාය. මේ අතර අළුයම එකයි තිහට පමණ අවදි වී බලන විට මුහුණ වසා ගත් පුද්ගලයකු කාමරය තුළ සිටිනු දැක තිබේ. ඒ සමගම ඔහු පිහියක්‌ පෙන්වා කෑ නොගසන ලෙසට තර්ජනය කොට පස්‌සෙන් පස්‌සට යන විට ඇය ඔහු එළියට තල්ලු කර දොර වසා යාබද කාමරයේ සිටි මිතුරියට හා ඇයගේ සැමියාට දුරකතනයෙන් සිද්ධිය පවසා ඇත. 
 
 පසුව ඔවුන් ද ඇයගේ කාමරයට පැමිණ සෝදිසි කිරීමේදී රුපියල් විසි හතර ලක්‌ෂ දහ නව දහසක්‌ වටිනා රන් ආභරණ ද මුදල් රුපියල් හැට දහසක්‌ ද රුපියල් දෙලක්‌ෂ පන් දහස්‌ දෙසිය හැටක්‌ වටිනා විදේශ මුදල් ද ඇතුලු රුපියල් විසි හය ලක්‌ෂ අසූ හතර දහස්‌ දෙසිය හැටක්‌ පමණ වටිනා දේපළ සොරකම් කර ඇති බව දැන ගැනීමෙන් පසු සිද්ධිය ගැන පොලිසියට පැමිණිලි කර තිබේ.
 
 සැකකරුවන් අත්අඩංගුවට ගැනීම ස`දහා අහංගම පොලිසිය පරීක්‌ෂණ පවත්වයි.

ශ්‍රී ලාංකීක පෙම්වතිය සමඟ BDSM (පරපීඩක ) ලිංගික ක්‍රියාවල යෙදුනු නීතිපතිට සිදුවූ දේ මෙන්න (PHOTOS)


කාන්තාවන්ට හිංසා කළ බවට චෝදනා එල්ල වූ ඇමෙරිකා එක්‌සත් ජනපදයේ නිව්යෝක්‌ නීතිපති එරික්‌ ෂෙනී ඩර්මන් සිය තනතුරින් ඉල්ලා අස්‌ වී තිබේ. 
"ද නිව්යෝකර්" ස`ගරාව මගින් නීතිපතිවරයාට එරෙහිව චෝදනා හෙළි කර තිබිණි. 
කාන්තාවන් සිව් දෙනකු මෙම චෝදනාව කළ අතර එයින් දෙදෙනකු නීතිපතිවරයාගේ හිටපු පෙම්වතියන්ය. හැට තුන් හැවිරිදි නීතිපතිවරයාගේ පෙම්වතියන් දෙදෙනා පවසන්නේ ඔහු තමන්ට පහර දුන් බවය. 

එහෙත් නීතිපතිවරයා පවසන්නේ පහර දීමක්‌ සිදු නොවූ බවත්, ඔවුන් සම`ග ලිංගික සම්බන්ධතා පැවැත්වූයේ ඔවුන්ගේ කැමැත්ත මත බවයි. 

මෙම හෙළිදරව් කිරීමෙන් පසු නිව්යෝක්‌ ආණ්‌ඩුකාර ඇන්ඩෘ කුමෝ විසින් තනතුරින් ඉල්ලා අස්‌වන ලෙස නීතිපතිවරයාට දන්වන ලදී.

"කිසිවකු නීතියට උඩින් නැහැ. නිව්යෝක්‌ නගරයේ ඉහළම නීති නිලධාරියාටත් එය එලෙසමයි" යනුවෙන් ආණ්‌ඩුකාරවරයා පවසා තිබේ. 

නීතිපතිවරයාගේ එක්‌ පෙම්වතියක්‌ වන ටාන්යා සෙල්වරත්නම් ශ්‍රී ලංකාවේ උපන් තැනැත්තියකි. ඇය ගත්කතුවරියක, නිළියක මෙන්ම අධ්‍යක්‌ෂවරියක ද වන්නීය. තමන් හැර ගියහොත් ඇය මරා දමන බවට නීතිපතිවරයා තර්ජනය කළ බව ද ඇතැම් අවස්‌ථාවල තමන්ට පහර දුන් බව ද ටාන්යා සෙල්වරත්නම් පවසා තිබේ.